காளி திரைப்படத்தின் முதல் 7 நிமிட வீடியோவை வெளியிட்ட விஜய் ஆண்டனி!

படத்தில் இடம்பெற்றுள்ள காட்சிகளின் முதல் 7 நிமிடத்தை வீடியோவாக விஜய் ஆண்டனி வெளியிட்டுள்ளார்.

உதயநிதிஸ்டாலினின் மனைவி இயக்கத்தில் விஜய் ஆண்டனி, அஞ்சலி,அம்ரிதா ஐயர் ஆகியோர் நடிப்பில் உருவாகியுள்ள படம் காளி. ஆக்‌ஷன் கதையை மையப்படுத்தி உருவாக்கப்பட்டுள்ள இப்படத்தில் விஜய் ஆண்டனி மருத்துவராக நடித்துள்ளார்.

இப்படத்தில் பரத் என்ற கதாபாத்திரத்தில் நடித்துள்ள விஜய் ஆண்டனி அமெரிக்காவில் தன்னுடைய பெயரில் மல்டி ஸ்பெஷாலிட்டி மருத்துவமனை ஒன்றை நடத்தி வருகிறார். அமெரிக்காவில் உள்ள சிறந்த மருத்துவமனைகளில் இதுவும் ஒன்று. இதய சிகிச்சை மருத்துவர்களில் விஜய் ஆண்டனியும் சிறந்த மருத்துவராம்.

தொடர்ந்து அவரது கனவில் காளை மாடு, குழந்தையை முட்ட வருவதும், ஒரு அம்மா ஓடி வருவதும், நாக பாம்பு வருவதும் தான் வந்து கொண்டிருக்கிறது. இதற்கும் தனது கடந்த காலத்திற்கும் ஏதேனும் சம்பந்தம் இருக்குமோ என்ற யோசிக்கிறார் விஜய் ஆண்டனி.

ஒரு கட்டத்தில் தனது அம்மாவிற்கு மாரடைப்பு வர, அப்போது அவருக்கு இரண்டு சிறுநீரகமும் செயலிழந்துவிட்டது. அதனால், உடனே தான் கொடுக்க தயாராக இருப்பதை கூறும் போது, தான் அவரது மகன் இல்லை என்பதை விஜய் ஆண்டனி தெரிந்து கொள்கிறார். இதை வைத்து பின்னிப் பிணைந்துள்ள கதை தான் காளி.

நாளை, 18ம் தேதி திரைக்கு வரவுள்ள நிலையில், படத்தின் முதல் 7 நிமிட காட்சியை வீடியோவாக வெளியிட்டு புரோமோஷன் செய்துள்ளார்.இப்படத்தில் விஜய் சேதுபதியுடன் இணைந்து, நாசர், ஆர்.கே.சுரேஷ், யோகி பாபு, ஜெயபிரகாஷ், மதுசூதனன் ராவ் ஆகியோர் பலர் நடித்துள்ளனர்.

0
Shares